1991-с 1994 онд Монгол Улсын 1,8 сая гаруй иргэн Цэнхэр ягаан тасалбар /Хөрөнгө оруулалтын эрхийн бичиг/ тарааснаар Хөрөнгийн зах зээлйн эхлэл тавигдаж хэдийнээ 27 жил өнгөрчээ. Хөрөнгө оруулалтын эрхийн бичигээр тухайн үеийн 485 улсын өмчийн үйлдвэр аж ахуй нэгжүүдийг хувьчилсан . Иргэд Хөрөнгө оруулалтын эрхийн бичигээрээ аль улсын өмчийн аж үйлдвэрд хөрөнгө оруулалт хийхээ шийдэх байсан. Энэ нь нэг талаараа маш том боломж байсан. Гэтэл өнөөдөр Хөрөнгө оруулалтын эрхийн бичигээр өмчтэй болсон иргэдийн ихэнхи хувь нь өөрсдийгөө ямар нэг байдлаар зальлуулсан, ашиг хүртээгүй гэсэн хэн нэгнээс буруугаа хайсан байдалтай байгааг өдөр бүр харж байна

Үндэстний хөрөнгө оруулалтын сан нь төрийн оролцоотой байдаг ба санхүүгийн актив, үнэт цаас, бонд, өмч, үнэт метал, бусад санхүүгийн хэрэгслүүдийг багтаадаг. Мөн тухайн үндэстний мөнгө санхүүг тогтоон барьж, санхүүгийн бусад эх үүсвэрүүд рүү хуваарилалт хийх институт болж өгдөг. Ерөнхийдөө төсвийн давсан орлогыг төвлөрүүлэн хий дэмий хадгалаад байх биш тодорхой хувийг нь одоо болон ирээдүйд үр ашгаа өгөх эх үүсвэрүүд рүү оруулж өгдөг гэсэн үг.